¿Queres saber toda a verdade e nada máis ca verdade sobre o Londres dos anos sesenta? ¿Gustaríache asexar na cidade que veu xurdi-los Who e a minisaia? ¿Aproveitar para abesullar na vida secreta da aristocracia británica e más na dos galegos da metrópole? ¿Enredarte cos servicios de intelixencia de medio mundo nunha conxura da espionaxe internacional? ¿Mergullarte nos baixos fondos e profundar nos misterios da sétima arte? ¿Viaxar á campiña inglesa nun Mini Morris auténtico? ¿Meterte detective privado e ter como axudante un negro chamado Venres? ¿Fuxir dos rusos soviéticos e máis dos chineses maoístas? ¿Salvar unha moza churrusqueira das gadoupas da fatalidade? Todo isto e moito máis se ségue-las instruccións do Pequeno-gran manual do detective privado con esquemas e casos prácticos e les esta novela nates de escahares a rir en trinta segundos.