“Ser diferente non é malo, pero levoume un tempo entendelo. Ao principio sentinme só e asaltáronme centos de preguntas que non podía compartir con ninguén. Este libro está escrito exactamente con ese propósito: despexar todas as dúbidas que tiña cando aínda non o sabía. O camiño non foi fácil, pero finalmente entendín que se a miña historia podía axudar a alguén máis, valía a pena escribila”.

A través da súa experiencia e as súas vivencias persoais neste libro o seu autor toca, entre outros, temas tan importantes como a orientación, a identidade ou expresión de xénero, os prexuízos e a homofobia, a aceptación e o proceso de saír do armario, o activismo... O seu obxectivo e o seu desexo, que che sirva para ter a información necesaria, que che axude a tomar as túas propias decisións ao seu debido tempo e permítache darche conta de que es perfecto/a tal e como es.