Catro personaxes chegan a un vello caserón coñecido como Hill House. Son o doutor Montague, un estudoso do oculto que busca probas de fenómenos psíquicos en casas encantadas, e tres persoas a quen o doutor recrutou para levar a cabo un experimento. A pesar das reticencias da súa familia, Eleanor, unha moza algo atormentada e de pasado infeliz, acabará formando parte da singular comitiva. Os outros son Theodora, con quen Eleanor establece un forte vínculo inicial, e Luke, o herdeiro da casa. Pronto todos deberán enfrontarse a situacións que están máis aló da súa comprensión. Hill House parece estar a se preparar para escoller a un deles e facelo seu para sempre.